Саем на книгата 2016

САЕМОТ НА КНИГАТА како една од најзначајните културни манифестации во земјата обезбедува најголема концентрација на дела од домашни и странски автори, современи и класични литературни дела, стручна научна и белетристичка литература, учебници и училишни прирачници, енциклопедии и дела од областа на културата и уметноста.
По тој повод, го посетивме 28-миот, по ред Саем на книгата 2016 кој беше место на литературни читања и обраќања на еминентни автори од оваа област, меѓу кои и писателот за деца Киро Донев. 

Со задоволство ги проследивме промоциите на најновите изданија и на нивните автори на голем број домашни и странски издавачки куќи. Несомнено, огромно е значењето на Саемот на книгата, како една од најпосетените саемски манифестации кај нас, која учествува во создавањето на традицијата и култот кон пишаниот збор, кој секако ги обединува децата и луѓето воопшто.