На брегот на морето, цела во зеленило стои куќичката на Офболи – докторот кој ги лекува животните и птиците…

Учениците од трето одделение со голем интерес и внимание ја следеа балетската претстава „Доктор Офболи“ во Национална опера и балет.

Тоа е класична сказна за вечната борба помеѓу доброто и злото, во која на крајот, се разбира дека ќе победи ДОБРОТО.

Прекрасната музика надополнета со одлични костими и сценографски елементи кај сите ученици предизвика воодушевување. Кореографијата за оваа претстава на сцената на НОБ ја пренесе прославениот балет мајстор од Русија, Михаил Крапивин.