Дрво на детски желби
Во рамките на активностите по повод одбележувањето на Детската недела, учениците од III-а и III-б одделение учествуваа во изработка на „Дрво на детски желби“. Активноста им овозможи на учениците да размислат за убавите моменти од детството и слободно да ги изразат своите мисли, чувства и желби.
Учениците напишаа пораки на тема „Моето детство е најубаво кога…“ и ги споделија своите размислувања со соучениците. Пораките беа поставени на заедничко дрво на желби, кое ја претстави креативноста, искреноста и различните доживувања на учениците.
Преку оваа активност учениците ја развиваа писмената и усната комуникација, креативното изразување и меѓусебното почитување. Разговорот за детството поттикна позитивна атмосфера, соработка и чувство на припадност во одделението.
Активноста „Дрво на детски желби“ беше успешно реализирана со активно учество на учениците од III-а и III-б одделение и придонесе за достоинствено одбележување на Детската недела.
Поврзани содржини