Здравјето е наша заедничка грижа!
Во рамките на проектот за соработка со родителите, учениците од VIII а и VIII б одд. имаа можност да проследат едукативно предавање на тема „Горнореспираторни инфекции“. Предавањето го одржа д-р Љубица Божиновска-Митровска 📚🦠🤝.
Преку интересно и корисно предавање, учениците се запознаа со најчестите горнореспираторни инфекции, начините на нивното пренесување, препознавањето на симптомите, како и со важноста на личната хигиена и превенцијата за зачувување на здравјето 💧🧼🌿.
Научија дека редовното миење на рацете, правилното кивање и кашлање, проветрувањето на просториите и грижата за сопственото здравје се важни чекори во спречувањето на инфекциите 🌬️🛡️💪.
Голема благодарност до родителот за издвоеното време, стручноста, споделените знаења и несебичниот придонес во едукацијата на нашите ученици 👏❤️🌟.
Со ваквите активности ја зајакнуваме соработката меѓу училиштето и родителите и заеднички придонесуваме за создавање здрави навики кај младите генерации 🏫👥🌱.
„Знаењето е првиот чекор кон здравјето!“ 🧠💡✨
Поврзани содржини