Во месецот на книгата – октомври, нашето училиште се приклучи во Меѓународниот проект за читање „Нашата мала библиотека“ во соработка со . Идејата на проектот е да им ја доближи сликовницата на децата и да ја развие љубовта за читањето.

На 31.10.2024г. учениците од второ а и второ б одделение со одделенските наставнички Благица Секуловска, Николета Нестор и Марија Живковска ја реализираа првата активност – обработка на сликовницата „Одврзи – заврзи“ и работилница за унапредување на менталното здравје на учениците (Препознавање на емоции). Преку низа креативни активности оваа сликовница им овозможи на учениците да ги препознаваат и именуваат емоциите, да научат како да се справат со неизвесност, вознемиреност и навидум непремостливи тешкоти и да сознаат дека проблемите можат да исчезнат кога ќе го пренасочиме погледот, односно кога ќе ја промениме нашата перспектива.