ООУ Григор Прличев

Гази Баба СКОПЈЕ

Моите здрави заби – мојата убава насмевка

Како продолжение на проектот “Соработка со родител-заедничка грижа за правилно насочување на учениците“, на 17 ноември 2026 година беше реализирана едукативна работилница под наслов „Моите здрави заби-мојата убава насмевка“. Во работилницата учествуваа учениците од III-а и III-б одделение, а гостин беше родителката Ивана Глигуровска, забен техничар.

Гостинката разговараше со учениците за правилната хигиена на забите и за важноста секојдневно да се грижат за своето орално здравје. Преку непосреден и разбирлив разговор, учениците беа поттикнати да размислуваат за своите навики и за значењето на редовната и правилна грижа за забите.

Разговорот се одвиваше во пријатна и активна атмосфера. Учениците со интерес ги следеа насоките, поставуваа прашања и ги споделуваа своите размислувања. Средбата придонесе за проширување на нивните знаења и за поттикнување одговорен однос кон личната хигиена.

На крајот од работилницата, Ивана Глигуровска им подели на учениците паста за заби, четкички и дипломи. Подароците беа убав поттик учениците стекнатите знаења да ги применуваат и во секојдневниот живот. Активноста успешно ја продолжи соработката меѓу училиштето и семејството во поддршка на правилниот развој и здравите навики кај учениците.

⚙️
Лого

Политика за колачиња

За да обезбедиме најдобри искуства, користиме технологии како колачиња.